ميدو: «الزمالك السنة دي مش أقل من الأهلي وبيراميدز»

أشاد أحمد حسام ميدو نجم نادي الزمالك السابق بأداء الفريق الأول لكرة القدم في المباراة الماضية أمام فريق مودرن سبورت، والتي انتهت بفوز الفارس الأبيض بهدفين مقابل هدف.

وكتب ميدو عبر حسابه بموقع التواصل الاجتماعي “إكس”: “الف مبروك فوز الزمالك واحسن حاجه حاصلة في الزمالك السنه دي زي ما قلتلكم قبل كده ان الفريق مقفول عليه كويس ومعزول تماما عن اي مشاكل بتدور حوالين النادي”.

وأضاف ميدو: “عايز احيي فيريرا على تشكيله وتدخلاته في الماتش.. عايز احيي اللاعيبه اللي كان واضح عليهم الإصرار على المكسب واللعب بشراسة من اول دقيقة.. لازم كل الماتشات تتلعب كده”.

واختتم: “موت نفسك في الملعب جمهور الزمالك هيشيلك فوق دماغه اوعى حد يحط في مخك انك اقل من اي فريق بالعكس وبكررها تاني الزمالك السنه دي مش اقل من الاهلي ولا اقل من بيراميدز لازم اللاعيبه تبقى فعلا مؤمنه بكده”.